Дата визуалиязация IELTS дайындығына қалай көмектеседі?

WhatsApp Image 2018-06-28 at 21.26.52Сенбі сайын студенттерім IELTS тестін тапсырады. Соңынан нәтижесін талдаймыз. «Мына жауап неге қате? Не себепті дұрыс жауап болмай қалды?» деп тәпсірлейміз.

Қатемен жұмыс – студентке нәтижесін жақсартуға септеседі. Бірақ feedback дұрыс берілуі керек.

Сол себепті IELTS «пробный тестке» баратындарға айтарым «Тестен кейін сіздерге дұрыс feedback беріп, қай жерден қандай қате кетті? Не себепті қателесті? Оны қалай дұрыстау керек?» деген сұрақтарға жауап берсе, «пробныйға» барыңдар деймін.

Әйтпесе, көп орталықта IELTS пробный тесті студенттерің телефондарын алып қалып, маркейтинг үшін қолданады.

Өткен сенбіде студенттерімнің Listening (Тыңдау) бойынша жасаған тестерінің алғашқы 20 жауабын кестеге түсіріп, төрт категорияға бөліп шықтым.

Мақсатым – тыңдау дағдысын дамытудағы subskills-тарға назар аудару еді. Себебі студенттер стратегияны түсіндік дегенімен, не себепті қателесетіндерін кейде дұрыс түсіндіре алмай жатады.

IELTS Visual copy

Жасыл – толықтай дұрыс
Сары – жартылай дұрыс (емле, тыныс белгі қатесі)
Қызыл – дұрыс емес
Қара – жауап жоқ

Нәтижиесінде өзім бұрын аса назар аудармаған жайтты байқадым.

Біріншіден, бұрынырақта әр студенттің жауабын жеке-жеке қарап, талдайтынмын. Бұл жолы жауаптарын ортақ кестеге салғанда студенттер тұтастай алғанда бірінші бөлімде note completion стратегиясын жақсы қолданғанын, бірақ 5 сұраққа бәрі бірдей қиналғанын көрдім. Бесінші сұрақты ашып, қайта тыңдап, неліктен қате шыққанын қарадық.

Екіншіден, note completion  тапсырмасына қарағанда Table completion тапсырмасы қиынға соққан. Бұдан кейін ол тапсырманың нақты қай жері қиындық тудырғанын детальді түрде көре алдым.

Студенттерімнің нәтижесін визуализациялау алдағы уақытта олармен қандай типті тапсырмамен көбірек жұмыс істеу керектігін, қателік нақты неден туындағанын дәл көрсетуге көмектесті.

Бұның маған қажеті не?

Деректерді жинақтап, соның нәтижесінде шешім қабылдау дағдысы күн өткен сайын маңызы артып келеді. Егер жұмыс барысында әртүрлі мәлімет, дерекпен жұмыс істесеңіз, бәрін бір кестеге топтастырып визуализациялап көріңіз. Нәтижесінде болып тұрған жайттың ортақ суретін көресіз. Мәселеге жақыннан емес, алыстан қарағанда кейбір елеусіз жайттар нақты байқалады. Бұл жұмысыңызды әрі қарай жетілдіруде дұрыс шешім қабылдауға түрткі болады.

p.s. Егер IELTS дайындығы курсына жазыламын десеңіз, www.6we.kz сайтымызға кіріп, емтихан дайындығына тіркеле аласыз.

 

Photo by Eric Rothermel on Unsplash

Open Budget Fellowship қатысушыларымен кездесу

#‎openbudgetkaz‬

Дата туралы әңгімелесетін адамдардың болғаны қандай жақсы. Сенбі күні Open Budget Fellowship қатысушыларымен кездестік. Қатысқандарға айтылған сілтемелерді жинақтап беремін деп уәде беріп едім. Біраз дүниені осы жазбадан табасыз. Оқуды жалғастыру

Медиасауаттылық неден басталады?

Медиасауаттылық неден басталады?

Медиасауаттылық неден басталады?

Медиасауаттылық неден басталады?

ЕСКЕРТУ: Төмендегі ойлар бірінші кезекте өзіме арналған. Сізге оның бәрін түсіну шарт емес. Оқып шығамын десеңіз, қарсы емеспін. Тек кейбір жері түсініксіз болып жатса, ренжімеңіз дегенім ғой.

КИМЭП-те «Медиасауаттылықты оқыту ерекшеліктері» атты практикалық-семинарда отырмыз. Семинар барысындағы ойларым шашырап кетпес үшін жинақтап отырмын.

Медиа ақпараттық-сауаттылықты оқыту Оқуды жалғастыру

Photo by William Iven on Unsplash

Facebook-тегі жазбаларды реттеуден, өзгертуден қорықпау керек

Photo by William Iven on Unsplash

Photo by William Iven on Unsplash

Facebook-те үнемі оқып жүрген адамдардың жазбасын бір аптаға сөндіріп қою – қылмыс емес. Олардың жазбалары өзге маңызды жазбаларды көрсетпей, сіздің бір жақты ақпарат алуыңызға түрткі болуда.

Төменде News Literacy жазғы мектебінің алғашқы күнгі сабағында түртіп алған ойларымды жазып отырмын. Өзім үшін. Бірақ сізге де пайдалы болып жатса, оқысаңыз болады. Оқуды жалғастыру

Познанда не жоғалттым?

News Literacy Summer School-2017 Participants, Poznan, Warsaw

News Literacy Summer School-2017 Participants, Poznan, Warsaw

Познандағы Адам Мицкеевич Университетіне бес сауалмен келіп едім, бес жүз сауалмен кері қайтып бара жатырмын.

Бәрі де Пол деген журналистерге ағылшын тілін беретін әріптесімнің жіберген хатынан басталды. «News Literacy деген жазғы мектеп бар екен. Қатысып көрсең», – деді. Пол екеуміз MediaNet-те «English for Journalists» курсын жүргіздік.

Сипаттамасын қарап едім. Ұнады. Себебі СДУ-да «Медиа сауаттылық» курсын оқыту керек деп ойлап жүргенмін.

Журналистер контент жасау білгенімен тұтастай алғанда бірінші медиа сауаттылық курсын бітіру керек екенін түсінетінмін. Сөйтсем, одан да маңыздысы бар екен. Жаңалық сауаттылық деген. Ағылшынша News Literacy деп аударыпты. Мен оны «Жаңалықтану» деп аудардым. Оқуды жалғастыру

Польшада не жоғалттым?

@fundacjaFRSI

TechCampWAW participants are working on their project. February 15, 2017

Кейде миыңның бір бұрышына кіп-кішкентай сауал кіріп кетіп, бос уақытта қайта-қайта есіңе түсіп, мазалай беретін кездері болады. Сондай  #мазабермессауал әдетте шетелге шығуыма себеп болып жатады.

Технологияның жылдам дамуы, әрі оның қолданысқа тез енуі медиа мамандары арасында «Енді не істейміз?» деген сауалға жауап іздеуге мәжбүрлейді. Менің басымда да жүретін сол сауал. Оқуды жалғастыру

Қызылорда кітапханашыларына арналған тренингтен

DSC_0366-1024x682

Егер сіз Қызылорда облысының тумасы болсаңыз, өз ауданыңыздың, ауылыңыздың парақшасына жазылып қойсаңыз болады.

Кеше кітапханашылар күні болды. Кітапханашыларға тренинг өткізіп жатқанда бірақ білдім. БҰҰ-ның Дамыту бағдарламасының Қызылорда өңірінде бірнеше жылға жобаланған жоспары бар екен. Сол жобаның бірі – Қызылорданың ауылдық, аудандық жерлерінде Онлайн орталықтар ашу. Бұл орталықтар қазір Қызылордадағы кітапханалар негізінде құрылып жатыр.

Қызылордада 300-ге жуық кітапхана бар. Оның жартысына жуығы ауылдық жерлерде. Қызылорданың аудандары мен ауылдарында Біріккен ұлттар ұйымының Даму бағдарламасының көмегімен Онлайн орталықтар ашылып жатыр.

Оқуды жалғастыру

«Қазконтент» тренингінен соң…

Әлдебір ұжымға немесе қызметкерлеріне бір дағдыны үйреткісі, көрсеткісі келетін мекемелер аз. Өкініштісі сол. Еліміздегі мемлекеттік мекемелердің дені қызметкерлеріне көп талап қойғанымен, тапсырманы қалай орындау керектігін үйрете бермейді. Осы орайда «Қазконтент» ұнайды. Бұған дейін ұжымды шетел көрген, менеджементтің жаңа үлгісін білетіндер басқарғандықтан болар. Қысқасы, «Қазконтентпен» тренер тұрғысынан жұмыс істеу әлдеқайда оңай. Себебі басшылық тарапынан қызметкерлерді, журналистердің біліктілігін жетілдіруге үнемі жағдай жасау керектігін түсінеді. Оқуды жалғастыру

Атырау қаласындағы тренингтен


 

This slideshow requires JavaScript.

Тренингке қатысушылардың пікірлері:

https://instagram.com/mukangalina/

Сөзінің соңын, тойст сабағын: «…Уот, ақша деген осылай келед! ))» деп аяқтайтын ағайғо ))) Сабаққа бару ойда жоқ бізге универді көрсеткен Асхат Еркімбайға үлкен алғысымызды білдіреміз! «Төрешің»-хит! Жаттап алдық. Енді сөзін өмірі ұмытпаймыз )) Біраз мәліметтерге қанықтық. Семинар ұйымдастырған әкімдіктегілерді жақсы көріп кеттім шее

akmurzievabai.wordpress.com:

Тренингтер жоғары дәрежеде өткізілді. “Мінбер” журналистерді қолдау орталығының жетекшісі Асхат Еркімбай журналистерге “Интернет журналистикасындағы ерекшеліктер”  “фотоға және видеоға түсіру” тағы басқа да тәжірибелік сабақтар өткізілді.

zhauynbaeva.wordpress.com:

Ғаламтор арқылы қалай табыс табуға болады? Бүгінгі күннің жаңалық жаршысы кім? Заманауи құрылғыларды қалай қолдануға болады? Міне, осы және өзгеде  қызықтар мен қиындықтарға толы медиа сабақ – Атырауда.

diasaibar.wordpress.com:

Өте қызықты өтіп жатыр. Көптен күтіп жүрген өзімнің блогымды аштым. Өте қатты қуаныштымын.

Атыраудамын. Әр келген сайын Атырау да, атыраулықтар да жаңа қырынан танылып жатыр.Бұрындары Батыс Қазақстан десе барлығы бірдей көрінетін. Оралда, Атырау мен Ақтауда болған соң, енді үш өңірдің ерекшелігі қатты байқалатын болды.

Бұл жолы Атырауға «Медианет» шақыртумен келіп отырмын. «Медианет» Атырау облысы әкімдігі, Х.Досмұхамедов атындағы Атырау мемлекеттік университеті, «Атырау-Ақпарат» және Атырау жастарының ақпараттық орталығымен бірлесіп бірнеше айы бойы Атырау жастарына журналистика бойынша бірнеше вебинарлар ұйымдастырды.

Негізі өңірдегі жас журналистерге вебинарлар ұйымдастыру өте жақсы тәсіл. Өзге өңірлердің әкімдіктері де қолдаса жақсы болар еді. Сөйтіп, «Медианеттің» шақыртумен осында келіп қалдық.

Тренинг екі күн бойы сағат 10.00-16.00 аралығында «Жайық» деген Атырау Мемлекеттік университетінің спорт кешенінің екінші қабатындағы конференц залында өтті. Тренинг өткізетін зал да, ұйымдастырушылардың жұмысы да өте ұнады.

Тренингте төмендегі жайттар қамтылды:

  • Аудио жазудың тәсілдері
  • Аудиоға лайықталған әңгіме айтқызу үшін қойылатын сұрақтар
  • Аудионы аудасити көмегімен өңдеу
  • Интернетке лайықтап, қалтафон көмегімен суретке түсіру
  • Оқиғаны баяндау үшін тақырып табу, оны сараптау тәсілдері
  • Инфографика және оны әзірлеу жолдары
  • Блоггинг. Уордпресте блог бастау.
  • Интернетке лайықталған видеоның құрылымы: ракурс, план
  • Оқиғаны видео көмегімен баяндау

Бұдан бөлек қатысушылар арасында өзара сенім қалыптастыру үшін түрлі ойындар ойнадық.

Екі күн бойы бірге болған барлық қатысушыларға сәттілік тілеймін!