Ciao-Cacao кафесіне не үшін барамын?

Кафе ашқан студентім бұл емес. Бұл – Баубек! [сол жақта]

Кафе ашқан студентім бұл емес. Бұл – Баубек! [сол жақта]

Студентім кафе ашты. Төртінші курста оқиды. Екі семестр сабақ бердім. «Мультимедиа», «Дата журналистика» оқытқан студентім Абылай хан мен Мақатаевтың қиылысында кофехана ұстап отыр. Оқуды жалғастыру

#TEDxAlmaty Батыл болу оңай емес…

ЕСКЕРТУ: Бұл жазба конференция барысында толықтырылып отырады.

TEDxAlmaty Алматыда бесінші рет ұйымдастырылып жатыр. Лариса және оның командасымен жұмыс істеу қызық. Бұған дейін TEDxAstana шарасында болып едім. Алматыдағысында алғаш рет қатысуым.

Жылына бір рет өтетін шара бір күнді алады. TEDx негізінен адамдар туралы, адамдардың идеясы туралы. Залда отырып, түртіп алған кейбір ойларыммен бөліспекшімін.

Арсен РЫСДАУЛЕТОВ: «Саналы жасқа келгенде сауатты таңдау жасау қиын». Оқуды жалғастыру

Атырау қаласындағы тренингтен


 

This slideshow requires JavaScript.

Тренингке қатысушылардың пікірлері:

https://instagram.com/mukangalina/

Сөзінің соңын, тойст сабағын: «…Уот, ақша деген осылай келед! ))» деп аяқтайтын ағайғо ))) Сабаққа бару ойда жоқ бізге универді көрсеткен Асхат Еркімбайға үлкен алғысымызды білдіреміз! «Төрешің»-хит! Жаттап алдық. Енді сөзін өмірі ұмытпаймыз )) Біраз мәліметтерге қанықтық. Семинар ұйымдастырған әкімдіктегілерді жақсы көріп кеттім шее

akmurzievabai.wordpress.com:

Тренингтер жоғары дәрежеде өткізілді. “Мінбер” журналистерді қолдау орталығының жетекшісі Асхат Еркімбай журналистерге “Интернет журналистикасындағы ерекшеліктер”  “фотоға және видеоға түсіру” тағы басқа да тәжірибелік сабақтар өткізілді.

zhauynbaeva.wordpress.com:

Ғаламтор арқылы қалай табыс табуға болады? Бүгінгі күннің жаңалық жаршысы кім? Заманауи құрылғыларды қалай қолдануға болады? Міне, осы және өзгеде  қызықтар мен қиындықтарға толы медиа сабақ – Атырауда.

diasaibar.wordpress.com:

Өте қызықты өтіп жатыр. Көптен күтіп жүрген өзімнің блогымды аштым. Өте қатты қуаныштымын.

Атыраудамын. Әр келген сайын Атырау да, атыраулықтар да жаңа қырынан танылып жатыр.Бұрындары Батыс Қазақстан десе барлығы бірдей көрінетін. Оралда, Атырау мен Ақтауда болған соң, енді үш өңірдің ерекшелігі қатты байқалатын болды.

Бұл жолы Атырауға «Медианет» шақыртумен келіп отырмын. «Медианет» Атырау облысы әкімдігі, Х.Досмұхамедов атындағы Атырау мемлекеттік университеті, «Атырау-Ақпарат» және Атырау жастарының ақпараттық орталығымен бірлесіп бірнеше айы бойы Атырау жастарына журналистика бойынша бірнеше вебинарлар ұйымдастырды.

Негізі өңірдегі жас журналистерге вебинарлар ұйымдастыру өте жақсы тәсіл. Өзге өңірлердің әкімдіктері де қолдаса жақсы болар еді. Сөйтіп, «Медианеттің» шақыртумен осында келіп қалдық.

Тренинг екі күн бойы сағат 10.00-16.00 аралығында «Жайық» деген Атырау Мемлекеттік университетінің спорт кешенінің екінші қабатындағы конференц залында өтті. Тренинг өткізетін зал да, ұйымдастырушылардың жұмысы да өте ұнады.

Тренингте төмендегі жайттар қамтылды:

  • Аудио жазудың тәсілдері
  • Аудиоға лайықталған әңгіме айтқызу үшін қойылатын сұрақтар
  • Аудионы аудасити көмегімен өңдеу
  • Интернетке лайықтап, қалтафон көмегімен суретке түсіру
  • Оқиғаны баяндау үшін тақырып табу, оны сараптау тәсілдері
  • Инфографика және оны әзірлеу жолдары
  • Блоггинг. Уордпресте блог бастау.
  • Интернетке лайықталған видеоның құрылымы: ракурс, план
  • Оқиғаны видео көмегімен баяндау

Бұдан бөлек қатысушылар арасында өзара сенім қалыптастыру үшін түрлі ойындар ойнадық.

Екі күн бойы бірге болған барлық қатысушыларға сәттілік тілеймін!

 

«Шын жүректен» таңқалдыру

Алматының қым-қуыт тірлігі ешқашан соңына жеткізбейді. Кейде күннің бұлыңғыр болуы, кондуктордың әлдебір әдепсіз қылығы, дүкендегі азық-түліктің қымбаттауы т.с.с. майда-шүйделер көңіл-күйіңді құртатын кездер болады.

Қоғамды кінәлайсың, өзіңнен кінә іздейсің, әйтеуір «күйзеліс» деген жабысқақты жұқтырып аласың.

Сосын Жұма күні шүкір етесің. Іштей бір жақсылық жасауға ниеттенесің. Біреудің көңілін көтергің келеді. Шын жүректен. Бірақ оған да кейде бір нәрсе түрткі болуы керек болып жатады. Оны біреулер мотивация деп таниды. Мәселен, бір адам садақа салып жатыр, сен де садақа бересің. Өзің бірінші болып бастауға, бір нәрсе кедергі болып тұрады. «Біреу бастасын, сосын мен жалғастырамын» дейсің.

Кейбір ғалымдар мотивация болуы үшін «эмоция» керек деген пікірде. Құлазыған көңілді тек эмоция бұзып-жарады дейді.

Сондай бір жақсылықтың жаршысы болып жүргендер бар. «Шын жүректен» деген бағдарламаны көрген боларсыз. Өзің де біреуге «сюрприз» жасағың келіп кетеді.

«Шын жүректен» деген бағдарламаны бір үйге қонаққа барғанда байқап қалдым. Шетелдік бір леп сезіледі. Қойылымнан, кейіпкерлердің сөйлеуінен, оператордың жұмысынан. Басында жасандылық па деп ойладым. Себебі үйреніп қалған бір сарынды кадрлар емес, мұңлы адамдарды емес, қуанып жүрген, армандап жүргендерді көресің. Оқуды жалғастыру

Ақылды тұтынушы мен «тентек» оператор

Қазақстанда бизнес жасап жүрген шетелдік мамандармен сұхбат құруды бұрыннан ойластырып жүргенмін. Достарыммен шағын бизнес бастап жатқан соң шетелдіктер тәжірибесі қызық. Әсіресе, үлкен компаниялардың ұзақ мерзімдік жоспарлары, бәсекелестермен қарым-қатынасы, маркейтинг тәсілдері т.с.с.

Tele 2 басшысымен кездесудің сәті түскен соң, Tele2 Қазақстан компаниясының басқарма төрағасы Пиетари Кивиккодан «Сіздер туралы басқа мобилді операторлар не ойлайды?» деп сұрадым. Себебі Tele2-нің маркетингтік қылықтары «тентек баланы» еске түсіреді. Оқуды жалғастыру

Жауқазын ғұмырды жылатқан …. жауыздық

download

Әлі де есеңгіреп отырмын. Миыма сыймайды. Күні бойы мазасыз отырған соң не болғанын сұрап едім.

Биыл қызының мектепке барғанын айтты. Күн сайын қызының қалтасына 200 теңге салып жібереді екен. Түскі үзілісте жейтін тамағының ақшасы ғой. «Күн сайын ақшасынан тиындар артылатын, бір аптадай болды артық ақшалары жоқ.

«Ананы алдым, мынаны алдым» деп өтірік құрастыра бастады» дейді. Негізі анасына өтірік айтпайтын бала. Оқуды жалғастыру

Сен жалғыз емессің, Тоты!

Семейдегі белсенді блогшы деп Тотыны танитынбыз. Бұл жерде блогшы деп қазақ интернетіне жаны ашып, оның дамуына сөзімен емес, ісімен де белсенді үлес қосып жүрген жанды айтып отырмын. Тоты «Мінбердің» семинар-тренингіне қатысып, блог тіркеген. Содан бері Семейліктерге жаңа медиаға қатысты ақпараттар беріп, шамасы келгенінше түсіндіріп жүретін.

Бұл жерде блогшы деп қазақ интернетіне жаны ашып, оның дамуына сөзімен емес, ісімен де белсенді үлес қосып жүрген жанды айтып отырмын.

Кейін Семейде Данияр есімді блогшы бар екенін де білдік. Білдік те қуандық. Себебі Данияр сонымен қатар Интернеттегі жобаларды қазақшалауға да үлес қосып жүр. Мәселен, Facebook-ты қазақшалауға әрі Skype-ты қазақ тіліне аударуға сүбелі үлес қосуда. Даниярдың сабырлығы көпке үлгі!

Сөйтіп Абай еліндегі мен білетін блогшымыздың саны екеу еді. Оқуды жалғастыру