Ciao-Cacao кафесіне не үшін барамын?

Кафе ашқан студентім бұл емес. Бұл – Баубек! [сол жақта]

Кафе ашқан студентім бұл емес. Бұл – Баубек! [сол жақта]

Студентім кафе ашты. Төртінші курста оқиды. Екі семестр сабақ бердім. «Мультимедиа», «Дата журналистика» оқытқан студентім Абылай хан мен Мақатаевтың қиылысында кофехана ұстап отыр. Оқуды жалғастыру

«Дыбыс коммуникациясынан» 11 ой

13537669_10201853266529401_4324300493326333673_n

Көзбен көретін дүние көбейген сайын айналамыздағы дыбыстарға аз құлақ түреміз. Шындығында есту қабілетіміз төмендеп бара жатыр. Ғалымдардың айтары осы. Алдағы он немесе жиырма жылда Қазақстанда құлақ ауруларын емдейтін орталықтар саны көбейіп кетсе, таң қалмаспын. Біз бір-бірімізді тыңдаудан қалып барамыз.
«Есту – табиғи қасиет, ал тыңдау – үнемі жетілдіріп отыруды қажет ететін қабілет» дегенді түсініп алайық деді,  TED Summit-те «Дыбыс коммуникациясы» тренингін жүргізген Джулиан Трежер.

Тыңдау дегеніміз – дыбыстардан мағына шығару.

Тренингтегі айтылған ойларды жоғалтып алмас үшін есте қалғандарын тізіп отырмын.

  1. Әрқайсымыздың ең алғашқы еститін дыбысымыз жүректің қағысы. Тіпті санамыз әлі қалыптаспаса да ана жатырындағы бір кесек еттің ең бірінші қабылдайтын дыбысы – жүректің дүрсілі.
  2. Құстың сайрағанын естісек, іштей қауіпсіздікті сезінеміз. Себебі қатты дауыл, табиғи апат басталар алдында құстың сайрағанын естімейміз.
  3. Тыңдау дегеніміз – дыбыстардан мағына шығару.
  4. Әр адамның тыңдауы екінші адамдікіне ұқсамайды. Әр адамның саусақ бедері әртүрлі болғаны тәрізді, тыңдауы да әртүрлі. Себебі адам тыңдағанын бірнеше сүзгіден өткізеді. Бұл сүзгілер (мәдени, тілдік, тарихи т.с.с.) әр адамда білімі мен қоршаған ортасына, жасы мен жынысына орай әртүрлі қалыптасады.
  5. Шизофония – көру мен тыңдаудың арасындағы айырмашылық.
  6. Бейсаналы түрде «әдемі киінген адам өмірде аз қателеседі» деп ойлаймыз.
  7. Ер адамдарда редуктивті тыңдау, ал әйелдерде көбіне экпансивті тыңдау дамыған.
  8. Сыни тыңдау мен эмпатик тыңдау арасында үлкен айырмашылық бар.
  9. Сыни тыңдау – сенің басыңдағы кішкентай дыбыстар.
  10. RASA (Receive, Appreciate, Summarise, Ask)
  11. Көпшілік алдында сөйлеушіге арналған кеңес: HONESTY (айтар ойыңда нақты әрі дәл айт), Authenticity (шынайы сөйле, жасанды мінез танытпа), INTEGRITY (сөзің мен ойың, ісің бірдей болсын), LOVE (тыңдармандарыңды жақсы көр)

Тыңдауды дамыту үшін күніне кем дегенде үш минут тыныштықты тыңдау керек. Әртүрлі дыбыстарды ажыратып тыңдап көру керек. Ішкі дауысты ажырату керек.

Қазақ тілінде «есту» мен «тыңдау» сөздерінің әртүрлі мағына беретінін, кей ретте бірінің орнына бірін қолдана алмайтынымызды жақсы түсінетін боларсыз. Әлдекім сіздің ойыңызды ұғып отырғанын тексеру үшін «Сен мені тыңдап отырсың ба?» деп сұраймыз. Ал телефон арқылы әңгімелескенде: «Естіліп тұр ма? «дейміз.

«Тың тыңдау» деген де сөз бар. Бұдан «тыңшы» деген сөз шығады. Менің түсінігімде тыңшылар естіген дыбыстарынан мағына ажыратады. Ал есту дегеніміз жалпы табиғаттан берілген қабілет. «Есту» сөзінің түбірі «ес» дегеннен шығатыны да қызық, ә?

Жеке өз басым тренингтен соң тыңдау қабілетімді үнемі шыңдау қажеттілігімді ұқтым. Себебі мектептен бастап біздерді көбінесе көруге, сөйлеуге баулиды екен де, дұрыс тыңдауды ешкім үйретпейді екен.

 

 

 

Канадада не жоғалттым? – 2 #TEDSummit

13566957_10156964058405161_2191248236519710984_n
Осыдан алты-жеті ай бұрын TED жобасының жетекшісі Крис Андерсаннан шақырту хат келді. Дүние жүзінен TED шарасына белсенді араласып жүрген 1000 адамды іріктеп, әрі қарайғы TED болашағы туралы ақылдасу үшін TED Summit ұйымдастырып жатырмыз. Сіз сол мың адамның ішіндесіз деген хатты алғанда жерден жеті қоян тапқандай қуанып едім.

Chris Anderson: The summit will bring together 1000 people from around the world who’ve helped build TED into what it is today. We’ve identified you as one of those people, and we would absolutely love for you to join. We’ll share a week-long summer experience that could be transformative both personally and for TED as a whole.

Канаданың Банф қаласындағы TED Summit-ке осылай тап болдым. Түптеп келгенде бұл TED басшылығының субтитрлерді қазақ тіліне аударып жүрген еңбегімізді ескергендері ғой. Бір қызығы Қазақстандағы қазақ тіліне қатысты жасалып отырған жобаларымызға өз еліміздегі адамдар емес, шетелдіктер қуанып, құрмет көрсетіп жататынына не ұяларыңды, не қуанарыңды білмейсің. Оқуды жалғастыру

Class Dismissed

Let this post stay on my blog as well. She was one of my active students in Laramie.

saintjohnblog

Today, is the final day with my computer instructor.  And….I cannot begin to tell all of you how fortunate it has been to have had his knowledge.  In Laramie we are so blessed to have the availability of this type of instruction to further our knowledge, and more particularly to keep our brains in «high gear.»  He did inform me today that he will continue on a limited basis after he furthers his studies at the University of Wyoming.  I thank you all for checking in on me and I certainly would appreciate your comments.  More later……

View original post

«Қазконтент» тренингінен соң…

Әлдебір ұжымға немесе қызметкерлеріне бір дағдыны үйреткісі, көрсеткісі келетін мекемелер аз. Өкініштісі сол. Еліміздегі мемлекеттік мекемелердің дені қызметкерлеріне көп талап қойғанымен, тапсырманы қалай орындау керектігін үйрете бермейді. Осы орайда «Қазконтент» ұнайды. Бұған дейін ұжымды шетел көрген, менеджементтің жаңа үлгісін білетіндер басқарғандықтан болар. Қысқасы, «Қазконтентпен» тренер тұрғысынан жұмыс істеу әлдеқайда оңай. Себебі басшылық тарапынан қызметкерлерді, журналистердің біліктілігін жетілдіруге үнемі жағдай жасау керектігін түсінеді. Оқуды жалғастыру