Құран сүрелері жыр түрінде


Төмендегі өлеңдердің авторы − белгілі ақын Серік Ақсұңқарұлы. Осыдан бірнеше жыл бұрынғы күнделігімді парақтап отырып, оның Құран Кәрімнің кейбір сүрелерін өлең шумақтарымен өрнектеген жырларын тауып алдым. Әрине, бұл өлеңдер Қасиетті Кітаптағы өлеңнің толық хикметін жеткізе алмас. Бірақ арабша жаттаған сүрелердің мағынасын түсінуге жәрдемдесер деп ойлаймын.

Ғасыр (103)
Заманға серт!
Ал осымды қаперге:
Пенде біткен туа қауіп−қатерде!
Иман айтып,
Адалдықпен жүрсе жұрт,
Ақиқаттың ақ екенін білсе − қырт;
Азабына сабыр қылса − зарланбай,
Сол қияннан жол табады!
Сандалмай!

Кәусар (108)
О, Мұхаммед!
Саған көктен кәусар құйдым бар Нұрдан!
Раббыңа айт Намазын оқы−дағы,
Шал құрбан!
Һас дұшпаның − үрім−бұтақсыз!
Қалды ұмыт!
Сен өлмейсің!
Сенің рухың −
Мәңгілік!

Ықылас (112)
Уа, Мұхаммед!
Айт. Оларға:
Алла − Дара!
Серіксіз!
Мұң жоқ онда!
Мұқым ғалам мұқтаж оған еріксіз!
Ол туған жоқ!
Һәм біреуден туылмаған ол емес!
Адамзатта,
Ғаламзатта Ешкім оған тең емес!!!

Фәлақ (113)
О, Тәңірім!
Күн иесі!
Таң нұры!
Өзің барда тезге түсер барлығы!
Сақта мені түсі суық түнектен!
Жамандықтан − жақсылықты тұл еткен!
Сиқыршыдан − адамзатты арбаған!
Күншілдіктен − күллі жұртты күл еткен.

2 thoughts on “Құран сүрелері жыр түрінде

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s