WordPress-ті қазақшалауға арналған кездесу

Апта басында Бақытгүл уордпресті аударуға байланысты керемет бір ұсыныс жасаған еді. Жаңа ғана аудармаға байланысты бірінші кездесуіміз аяқталды.
Нәтиже:
kk — Қазақ тілі
3161 of 4247 strings
Тәтті-пәттімді көтеріп, Бақытгүлдің офисіне келсем, ешкім жоқ. Енді Бақытгүлден басқа дегенім ғой. Сөйтсем, көпшілгі он лайнда отыр екен. Келдік те аудармаға кірісіп кеттік. Уақыт деген зу етіп өте шықты. Бір сағат ішінде 111 сөз аударыппыз. Кейбір аудармалар әлі де қабылдану үстінде тәрізді.
Жақсы флэшмоб болды. Енді шай ішуге де болады

 

Сүйікті оқырман!

Менімен бірге сырласып, мұңдасып, қуанып жүрген, оқырман!

Өкінішке қарай Сені жақыннан танымаймын. Алайда үнемі оқып, кей сәттерде пікір білдіріп тұратыныңа қуанамын. Сенің кез келген пікірің мен үшін құнды да, маңызды екенін жақсы білетін боларсың.

Блогым одан әрі, қызық та пайдалы болсын десең, Арсенал777-дың блогындағы сауалнамаға жауап беріп, қазақ блогосферасының дамуына үлесіңді қосуыңды сұраймын.

Өрімтал

Суретте: sitemeter диаграммасында осы блогтың оқырмандары

қай елден екені көрсетілген

 

 

Мәссағандасатын да күн бар екен!

Биылғы көктемнің ішіне бүккен сыры көп деп айтпап па едім. Кеше сондай бір тосын сыйлыққа ие болдым. Айтсам ешкім сенбейтін шығар.

“Дастархан” блогын жүргізетін Ақбантик есімді блогшы өз қолымен кешкі сағат 20.00-21.00 арасында Алматыдағы Жібек жолы мен Қонаев көшелерінің қиылысында маған кореяның фирменный футболкасын сыйлады. “Ол дегенің Жанарбектің келіншегі емес пе?” дейтін шығарсың. Дәл солай. Жанарбек, Бақытнұр, Ақбану үшеуі Дүйсенбі күні Кореядан Алматыға келді. Бүгін Кеше бірнеше қазақ блогшылар солармен кездесіп, дидарластық. Әлһамдулиллаһ! Мәссағандасатын да күн бар екен.

 

Сүрінбей өт, Мир!

Әлгінде Достықтың бойымен төмен түсіп бара жатыр едім. Әдемі бір ән құлаққа естілді. Сөйтсем, Республика сарайы алдында мына бүлдіршіндер іс-шараға дайындалып жатыр екен. Сондай-ақ бүгін Нұргүлдің сіңілісі – Мир, емтихан тапсырады. Сол сүренбей өтсін деп жариялап отырмын. Сынақ тапсырғалы жатқандардың бәріне де сәттілік тілеймін. Мына бүлдіршіндер де көпшіліктің алдында өнер көрсетуге дайындалып жатыр. Сүрінбей өтіңдер, балақайлар!

 

Solai.dedik

Күтпеген кездесулер болып тұрады. Бүгін Кеше Solai.de атты қазақ тілінде тез танылып келе жатқан жастар порталдарының ұйымдастырушыларымен кездестім. Қалта телефоныма ес емес жеткен еді. Қателеспесем Бекжаннан келді ғой деймін. Әлде Аршаттан ба? Сөйтсем, Көңілашардан келген екен Алматыға семинарға келген екен. Қызық қылғанда, бір семинарда бас қостық. Майкрософт жаңа өнімдерінің таныстыру үшін журналистермен АйТи мамандардың басын қосқан еді.
Маратхан мен Алмас Атыраудың белсенді жастарының бірі. Интернет технологиямен әуелде жай ғана қызығушылықпен бастап, оның соңы қазақ жастарына арналған арнайы бір порталдың дүниеге келуіне әкелді.

“Порталдың белсенділігі артқан сайын өзімізге жүктеліп отырған жауапкершілікті айқын аңғарудамын”

дейді Маратхан. Еркін отырып әңгімілесерміз деп ойлап едім, бірақ әу бастан әңгімені салмақты да өзекті тақырыпқа бұрғандықтан емін-еркін ашылып сөйлесе алмадық. Өзімнен болды. Кездескен беттен адам қазақ тілінде интернетті дамыту мәселесін сөз қылушы ма еді? Бірақ қазақ тілінде интернет бағдарламаларды дайындау мәсәлесіне қатысты айтылған ойлары өте ұнады.

Біздің әңгімеміз көбіне үш салада өрбіді.

1. “Солай денің” мақсаты мен келешегі
2. Атырауда семинар ұйымдастырудың жай-жапсары
3. Қазақ тіліндегі Интернеттің дамуы мен жігіттердің болашақ кәсіптері.

Алмас Атырауда блогқа байланысты тренинг өткізуге ұсыныс жасады. Қуана-қуана келістім. Бірақ жол шығыны өте қымбат екен. Әзірге барар бармасым белгісіз болып тұр. Өткен Бейсенбіде ғана КазГУ дегі студенттерге үнхабар мен бейнехабар жасауды үйреткенім бар еді. Аз ғана күннің ішінде көп нәрсе өтті басымнан.

1 . Табағанда журналистердің 3 күндік тренингі өтті

2. КазГУ-де тренинг өткіздім

3. Үнді Орталығы өткен аптада АйТи білім беру туралы семинар өткізді

4. Бүгін Майкрософт жаңа өнімдерін таныстырды

5. Ертең АйТи мен білім беру жүйесіне қатысты конференция өтпек.

 

Журфак студенттері блог ашты

Суреттегі мына қыз-жігіттер дәл қазір Саған қарап тұр. Кеше ғана олар маған қарап отырған еді

Ортада фотоаппарат ұстап отырған Әділбек есімді “Ана тілі” газеті тілшісінің шақыртуымен және Қарлыға деген апайларының қолдауымен әл-Фараби атындағы Қазақ Ұлттық Университетінің журналистика факультетінде болып, “Қазақ тілінде блог бастау” туралы семинар өткіздім. Бір байқағаным университеттерде студенттердің тегін қолданысына берілген компьютерлердің интернеттің (ескерту жасаған Маратханға рахмет) жылдамдығы өте баяу. Уордпрестен блог ашуға мүмкіндік бермейді. Тек бір студент қана блог ашты. Тағы 5-6 блогспоттан ашты. Жалпы университтердегі интернеттің сапасына көңіл бөлетін уақыт жекен тәрізді.

 

Сіз сүйікті блогыңызға жазылдыңыз ба?

Әрбір блогты жеке-жеке ашып: “Кімде қандай жаңа жазба бар екен?” деп іздеп отыратыным рас. Бірақ қазақ тілінде блогтар көбейген сайын интернетті қарауға кететін ақшам уақытым көбейіп бара жатқанын аңғарудамын.

Осы орайда гуглдың ридер бағдарламасы маған көмекке келді. Өзімнің сүйікті блогтарыма жазылу арқылы жаңаланған жазбаларды қадағалап отыратын болдым. Ең жақсысы, бұл қызметті электронды пошта арқылы қолданамын. Ал поштаны интернетке кіргенде бірінші кезекте тексеретінім белгілі.

Сонымен үш адыммен бұл бағдарламаны қалай қолдануға болатындығын көрсетейін. Ең маңыздысы гмейлде э-поштаңыз болуы қажет.

1. Қалаған блогыңыздан Жазулар RSS деген түймені тауып алып, түртіңіз.

2. Add to Google reader түймесін шертіңіз!

3. Құттықтаймын! Блогтағы жазбаларға жазылдыңыз.

Төменнен бұл адымдардың суретті нұсқасын көре аласыз.

 

“Жаңаеуразия” 1 күн істемеді

Бәлкім сен де байқаған боларсың. Бүгін күні бойы “Жаңаеуразия” ашылмай тұрды. Себеп? Себебін өзім де білмеймін. Админге хабарласып едік, ол қазір соны іске қосумен айналысып жатыр. Мұрын сіңбірер бос уақыты жоқ.

Өз басым, билік тарапынан болған әрекет дегенге сене алмаймын.

Себебі күні кеше баспасөз мәслихатын өткізген. Инкар.инфо интернет-радиосының жігіттері: “Бізді үкімет жауып тастады” деп шулаған. Сөйтсе олардың сайты тек Қазақстанда ғана ашылмайды екен. Шетелдегілер және анонимді прокси-сервер арқылы қарағандар көре алатын болып шықты. Яғни, билік тарапынан жабылған күннің өзінде өзге елде ашылуы керек. Ал “Жаңаеуразия” еш жерде ашылмай тұр. Шамасы кінәрат өзімізден болған шығар деген ой бар. Екіншіден, жұрт үркетіндей, әлдебіреудің намысына тиетіндей ештеңе жазбаған тәріздіміз.

Не де болса, алғаш рет мұндай жағдаймен ұшырасып отырмын. Арты не болар екен? Тезірек іске қосылса екен деп тілеп отырмын. Не де болса, һайырлысы болады емес пе?!

Жаңа ғана “Жаңаеуразия” іске қосылды. Шамасы техникалық бір жөндеулер жүргізілген-ау.

 

Алманияны блог қалай өзгертті

News

• spiegel.de
• Неміс тіліндегі жаңалықтар сайты. Бұның мобайл нұсқасы да бар. Антиамерикалық бағыттағы сайт болғандықтан өте танымал.
• Видеоконтен те мол.
• t-online.de
• телекоммуникацияға бағытталған. Бұл жерде іздеу тораптары мен пошталар, жаңалықтар барлығы аралас.

 

Қош бол, BarCampBaltic…

Сурет ресейлік блогшының блогынан алынды. Суреттің ішінен таныстарыңды кездестіріп жатсаңдар, айтыңдар…