"Massagan.com": жүлделі болғанымызды сенен естідік!

Қараша 22, 2007 in blogger, жастар, Қазақ

Ербол Сүлейменов Award 2007 интернет байқауындағы мемлекеттік тілдегі ең үздік сайт номинациясындағы жүлдегерлердің атын атағанда, сахнаға бірінші және үшінші орын алған сайт өкілдері көтерілді. Жүргізуші Герман мыңнан озып, жүзден дара шапқан екінші орынды иеленгендердің сахнаға шығуын қайта-қайта сұрады. Гранд Опера театрландырылған түнгі клубтың ішіндегі салтанатты шараға жиналғандар, “мәссаған, қайда?” деп бір-біріне қарады. Алайда, Award 2007 интернет байқауының ұйымдастырушылары екінші орынға ие болған massagan.com жастар порталы авторларының Кореяда тұратынын кеш соңына таман бірақ білді.

Award.kz (rus) – қазақстандандағы ең үздік сайттарды анықтауға арналған байқау. Жүлдегерлер әдетте тәуелсіз әділқазылар алқасы мен интернет және қалта телефон хабарламасы арқылы берілген дауыс негізінде анықталады. Байқауға демеуші болған компаниялар арнайы жүлде де тағайындап, өздеріне ұнаған сайттарды марапаттайтын игі дәстүр де қалыптасқан.

“Осымен бесінші рет ұйымдастырылып отырған байқауға қатысушылардың саны жыддан жылға ұлғайып келе жатқаны қазақ интернетінің дамып, толысып, өркендеп келе жатқанын көрсетеді,” дейді AWARD.kz ұйымдастырушысы Александр Ляхов (rus). Мұндай байқаулар Ақпараттық технологиялады бұқараға кең насихаттауға және интернеттегі қазақстандық сегменттің сапасының жақсаруына әсер етеді деген оймен ұйымдастырылған. Жыл сайын AWARD байқауына ақпараттық технологиялар мен коммуникациялар саласындағы Қазақстандағы ірі компаниялар демеушілік танытуы сондықтан. Биылғы жылы бұл байқауға сайт иелері өтініш білдірген.

Қазақ қоғамы бұл байқауды көбіне қазақ тіліндегі ең үздік сайтты анықтау номиниаясын арқылы жақсы біледі. Былтырғы жылы Алматы қаласындағы №147 161 мектеп гимназияның сайты үздік деп танылған.

“Былтырғы жылғы әділетсіздіктен соң, биыл бұл байқауға қатысуға өтініш білдірген жоқпыз”, деді менімен электронды байланысқа шыққан “Massagan.com” жастар порталын үйлеструшелірдің бірі Жанарбек Матай.

Өткен жылғы байқау нәтижесіне күдікпен қарағанын “мәссағандықтар” Neweurasia.net блогында былай деп түсіндіреді:

“Ауард-2006-ға біз қатысқамыз, соңында қатысқанымызға өкінгенбіз. Қатысып бас ауыртатындай
сайыс емес. Ермек үшін анау-мынау блогтар немесе сайттар үшін болады”.

Ал Бақытнұр (Мәссағанның екінші үйлестірушісі): “Біздің жүлдегер атанғанымзды сеннен естіп білдік. Жаңа ғана екі адамнан қатар хат келді. Әрине, бұл үлкен қуаныш. Дүниеде әділеттілік бар екен”, – деді э-поштадағы чат байланыс арқылы қуанышымен бөлісіп. Мәссағандықтар өз сайттарын AWARD.kz 2007 байқауына порталдағы Жайна деген атпен белгілі мүшенің тіркегенін жүлдеге ие болған соң ғана анықтап білді.

(толық нұсқасын мына жерден қараңыз: http://kz.kazakhstan.neweurasia.net)